مرحبا لكل المتواجدين في منتدانا الحبيب
انا حابه انقل لكم موضوع كتبته صديقة في منتدى ثاني حرفيا وانتظر
ردودكم
شوفو وش صار معي ب اوكايدي مجمع الظهران (( شركة الجديعي ))
اهلين بنات..
باختصار شديد كنت امس بمجمع الظهران وبالتحديد دخلت اوكايدي( محل لملابس الاطفال) بصراحه انا ماادخل هالمحل لان بضاعته ماتعجبني بس دخلته لاني ادور على حاجه معينه وقلت يمكن احصلها عنده وللاسف اني لقيت اللي ابيه عندهم.....
كان بالمحل وحده ومعها طفل بعربيه وكان طفلها يبكي وببياخه قال لها اللي يحاسب سكتي الطفل قالت له ماقدر اسكته قال اقولك راسي يوجعني من صياحه قامت التفتت على واحد من اللي يشتغلون بالمحل (وكأنها تشتكي له)كان جنبها اعتقد كان يساعدها بالمقاسات وقالت له هذا مو اسلوب يتكلم معي كذا كيف اسكت الطفل مو المفروض يتكلم معي بهالطريقه وطبعا الاخ اللي يحاسب قعد يرادها ويقول انا ماقلت لك شي عشان تقولين مو اسلوب هذا انا اقولك راسي يوجعني .....
بعد كذا وهنا المصيبه الكبيره اللي صارت
رد واحد من اللي يشتغلون بالمحل واقف باخر المحل بعيد عنها بس كان يسمع الكلام اللي بينها وبين اللي يحاسب وقالها.....
انتم اصلا تبون الهنود هم اللي ينفعون لكم والا تبون اللي يغازلكم<<<<<القذر يقصد انكم تحبون اللي يغازلك او يكون هندي ويخدم وهو سااااكت!!!!!
انا هنا قطيت اللي معي على الطاوله وفيه بعد حرمتين تركوا اللي معهم وطلعوا من المحل وزوجي كان عند باب المحل ناديته بسرعه وقلت له اللي صااار خاصه ان هالحرمه ماكان معها رجال!!!...
الحرمه راحت عند اللي قاله انتم تبون اللي يغازلكم ومادري وش قالت له بس كانت ترد عليه هي ومعها حرمتين ماتعرفهم ولا لها علاقه فيهم بس فزعوا لها (في هالوقت انا كنت اشرح لزوجي اللي يصير)وللامانها انا كنت واقفه عند الكاشير ابي احاسب..
طبعا هي طلعت اخذت اسم اللي قال لها انكم تبون اللي يغازلكم من اللي يحاسب وراحت لادارة المجمع ومعها الحرمتين وطلبتني اروح معهم عشان اشهد معها بس قلت لها انتم تكفوون وان بكون قريبه من المحل قالت اجل لو زوجك على الاقل يشهد عشانه رجال .....
وفعلا راحت للادراه وخلال دقيقيتين جت وجابت معها واحد من الادراه وسحبوا اللي تلفظ عليها برا المحل والنذل بالبدايه كان يتمسخر عليها ويضحك اسلوبه كان استفزازي وبعدين قعد يصرخ باعلى صوته ويزبد يقول انت اصلا مومحترمه ياحيوانه وكأنه يسمع الناس باسلوبه القذر انها متعرضه له او مقلله من ادبها معه ...
طبعا هي كانت منهاره وتنتفض وتصيح وتقول لو معي زوجي كان مقدرت تغلط علي ولا تتجرأحتى...
زوجي راح لخدمة العملاء وكتب شكوى عندهم بكل اللي صار واخذوا رقمه واسمه .....
للامانه الحرمه محترمه جدا وشكلها طبيعي وانا بنفسي حضرت المشكله من اولها
مادري اذا استشفيتوا من اللي كتبته عن نوعية اللي يشتغلون بالمحل كلهم كانوا قروب واااحد
كل اللي قدرت اسويه اني اتصلت على فرعهم بالراشد وكلمت المدير (مدير المنطقه الشرقيه)والحمدالله انه سوري وتفهم الموضوع ووعدني وقال ثقي انك اذا رحتي للمحل مره ثانيه مارح تحصلينه وانه بينفصل
اتمنى ان هالموضوع ينتشر وياليت اللي تقدر تنقله لمنتديات ثانيه عشان يوصل اللي صاير لادارة اوكايدي بالرياض عشان مايوظفون هالحثااااله لاني كان بودي اقدم شكوى للرياض بس زوجي رفض يقول ابعدي عن المشاكل بس انا فيني حرره وودي توصل هالرساله للسلطات العليا
منقوووووووول 
